अस्पतालले बुधबार आयोजना गरेको पत्रकार सम्मेलनमा छाला, कपाल, नङ तथा म्यूकोसल डिसअर्डरसम्बन्धी रोगको उपचार र रोकथामका लागि सेवा सुचारु गरिएको जानकारी दिएको हो ।
अस्पतालका जनसम्पर्क अधिकारी प्रमिश गिरीका अनुसार सेवा विगत ६ महिनादेखि प्रारम्भ भए पनि अत्याधुनिक उपकरणसहित एक महिनाअघि देखि पूर्णरूपमा सञ्चालनमा आएको हो ।
गिरीले सो सेवा स्वास्थ्य बीमाबाट पनि लिन सकिने बताए । हाल अस्पतालमा दैनिक १०० भन्दा बढी बिरामीले डर्मटोलोजी सेवा लिइरहेका छन् । बीएण्डसी अस्पतालले उक्त सेवा छुट्टै भवनबाट प्रदान गरिरहेको छ ।
डर्मटोलोजी सेवा डा. अनिल तिम्सिनासहितको विशेषज्ञ टोलीले प्रदान गर्दै आएको अस्पतालले जनाएको छ । यस सेवाका लागि यसअघि भारत वा नेपालका अन्य सहर जानुपर्ने बाध्यता अब हटेको गिरीले बताए ।
नयाँ र अत्याधुनिक उपकरणमार्फत सेवा दिन थालेपछि बिरामीहरू उत्साहित भएको अस्पतालको दाबी छ ।
